TNPSC குரூப்-1, 2, 4 தேர்வுகளுக்கான வயது வரம்பு பொதுப்பிரிவினருக்கு 37-ஆகவும், இடஒதுக்கீட்டுப் பிரிவினருக்கு 42-ஆகவும் உயர்த்தப்பட்டுள்ளது.
சென்னை: தமிழக இளைஞர்களின் நீண்டகாலக் கோரிக்கையை ஏற்று, டிஎன்பிஎஸ்சி (TNPSC) மூலம் நடத்தப்படும் குரூப்-1, குரூப்-2, குரூப்-4 உள்ளிட்ட அனைத்துப் போட்டித் தேர்வுகளுக்கான நேரடி நியமன வயது வரம்பை 5 ஆண்டுகள் உயர்த்தி மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்கள் உத்தரவிட்டுள்ளார்.
போட்டித் தேர்வுகளுக்குத் தீவிரமாகத் தயாராகி வரும் லட்சக்கணக்கான இளைஞர்களுக்கு இந்த அறிவிப்பு பெரும் மகிழ்ச்சியைத் தந்துள்ளது.
வயது வரம்பு விவரம்:
தேர்வர்களின் கோரிக்கையைத் கனிவுடன் பரிசீலித்து அரசு வெளியிட்டுள்ள உத்தரவின்படி:
- பொதுப்பிரிவினர் (General Category): குரூப்-1 உள்ளிட்ட தேர்வுகளுக்கான வயது வரம்பு 37 வயதாக உயர்த்தப்பட்டுள்ளது.
- இடஒதுக்கீட்டுப் பிரிவினர் (Reserved Categories): இவர்களுக்கான வயது வரம்பு 42 வயது வரை சலுகை வழங்கப்பட்டு உயர்த்தப்பட்டுள்ளது.
- கால அவகாசம்: இந்த வயது வரம்புத் தளர்வுச் சலுகையானது அடுத்த 5 ஆண்டுகளுக்கு நடைமுறையில் இருக்கும் என அறிவிக்கப்பட்டுள்ளது.
இளைஞர்களின் கனவை நனவாக்கும் அரசு:
வயது முதிர்வு காரணமாக அரசுப் போட்டித் தேர்வுகளில் பங்கேற்க முடியாத சூழலில் இருந்த எண்ணற்ற இளைஞர்களுக்கு இந்த நடவடிக்கை ஒரு பெரும் வரப்பிரசாதமாக அமைந்துள்ளது. அரசு வேலை என்ற லட்சியத்துடன் கடினமாக உழைத்து வரும் இளைஞர்களுக்குத் தவெக அரசு தனது அரவணைப்பையும் நம்பிக்கையையும் இந்த வரலாற்றுச் சிறப்புமிக்க அறிவிப்பின் மூலம் வெளிப்படுத்தியுள்ளது.
இளைஞர்களின் எதிர்கால வாய்ப்புகளைப் பலப்படுத்தும் வகையில், வெளிப்படையான மற்றும் ஊழலற்ற முறையில் வேலைவாய்ப்புகளை உருவாக்கித் தரும் அரசாகத் தமிழக அரசு மிளிர்கிறது என்று இளைஞர் வட்டாரங்கள் பாராட்டி வருகின்றனர்.
About the Author
